SIKA NANANG KO NI BUGBUGTONG A MARIA

Ay- ayatek nga Ina,

Ti daytoy a gundaway, ibalikas ko man iti naimpapusuan nga ayat ko babaenti daytoy a surat a mangsarming iti di agunday nga ayat ko kenka perfecto a Maria ta uray saan a siyak ti kagagasatan ti lubong, sika ti kangrunaan nga inpaay kanyak ti Ama a namarsua, sika nanang ko nga ingget libnos na.

Wen inak, saan mo man nga maited dagiti amin a wagas ken kasapulak iti inaldaw-aldaw, ngem punpunwem met ti di-agsarday nga ayat ken naglaplapunusan a sakripisyom. Sika ti pitaka ti anus ken panagayat nga mangmangted ti natibker a pammati mi ken Apo a namarsua nga isun tu ti mangiballasiw kanyami iti nawada a karayan a mangkagay kanyami ti naimbalitukan a masakbayan. Anian nga anus mon nanang ko. Pungan a mangarakop iti nasalimsem aldaw nga naglablabas bayat ipapatay ni ama. Sika’t timmakder a adigi’t biagmi. Mangpaay tibker ti inaldaw nga tubeng ni biag nga pangpakapoy pammati ken senna-ay naubing nga panang panaw ni ama tin au ulpit a sangit ti rabii. Agarudok man lat luluak a manglagip nasakit a pasamak ti biag tayo. Ngem uray nu kastoy ti inyabbungot ti biag kadatayo, si iimatang ka a nangbag-ot nangisakad ti sukog toy pannubok tayo.

No malagip koman di elementarya ak pay lang, bayat ti panag serrek ko ti pagadalan, inusig dak dagiti gasot a sairo ket pinagkakatawaan da ti suot ko nga lupot. Nagsangsangit nak ngarod, a anagawid ken nangiyukom nak kanyam; sipapakumbaba kay nga nagkuna kanyak ket silalagipak pelang ti insawang yu “ URAY NU KASTOY TAYOP LANG ANAK KO, IMULAM TA PANUNOTMO NGA ADDA NAK TU LATTA DITOY KADAKAYO.” Ket kasla man lang nakuddot toy pusok nanang ta makitak iti matam nga uray kasano ti kayat mo mangipalak-am ti dakulap ni gasat keta wan mabalinam. “AGBASA KA A NALAING TA AMMOK NGA ISU LAT MAIPABALON KO KENKA ANAKO TA URAY RIGAT LAT ADDA KADATAYO.”

Dagitoy nga inpakitam kanyak nanang, iti pigsak ken inspirasyon ko anyaman a karit ti umay mangkawil ti nanummo a ar-arapaap ko. Agbasak a nalaing nanang ko ket ballasiwek wenno dalyasatek man sangapulo a taw masukdal ko lang bituen ni masakbayan! Agyamanak ngarod ti amin a gundaway a dungngo ken pammateg mo kasta pay ti Apo namarsua ta insagot na ti kangrunaan ken kapapatgan a tao nga pangikariak iti saan mapugsat a talek nga baklayek ti sumarsaruno pay a panag singising ni napnuan maris namnama ti daya. Sika a kas naisem a mansanas ti matak a saan pulos agbaliw tis am-it na ket kasta ka met nga ipatpateg nanang. Sapay koma ta dika maumuma nga mangdunggo kadakami nga agkakabsat. Ikarik ngarod nga saan a daytoy lang awagas iti pinagpakitak iti ayat ko kenka ket bulonak ti aramid nga agtaud kaunggan ti pusok.

Idawdawat ko ngarod ti Apo nga ikkan naka pay ti nasalsalun-at a bagi ken nalawaga panunot , naayat a puso ken naunday a sakripisyo ket saan nga agressat nga ayat , ket matmatangam to dagiti bunga ti ado a rigrigat ken bannog mo kanyak, kalpasan pinagadalko.

Ti nanummo nga nak mo,

-Official entry (SIRIB EXPRESS LOVE LETTER CONTEST 2015)

-Published in “Aweng” School Iluko Publication of Florentino Camaquin Integrated School (2014)

Republic of The Philippines

nanang